Lui:
Avi du anni ca mi fici zitu
ma 'na vasata mai ti potti dari
Lei: Mi metti 'ncruci ma chi pozzu
fari
si c'è me matri ca è 'ncarabineri
Lui: fuemanninni, fuemanninni,
ca l'amuri è bellu assai
Lei: tu m'arrispinni, tu m'arrispinni
e mi metti 'ntra li vai.
Lui e Lei: si me matri senti chissu
n'assicuta cu 'na mazza,
n'arriduci pezza pezza
e perciò comu si fa?
Coro: comu si fa?
Lui
+ coro: fuemanninni, fuemanninni,
ca l'amuri è bellu assai
Lei + coro: ma tu vattinni, ma
tu vattinni
non mi vogghiu cunsumari
Lui: avà, ca già
mi fici li cumpari,
la casa priparai 'ntra li ciuri
Lei: iù t'amu e a tia mi
vogghiu maritari
ma senza scappa scappa e fiu fui
Lui: fuemanninni, fuemanninni,
ca l'amuri è bellu assai
Lei: ma tu vattinni, ma tu vattinni
non mi vogghiu cunsumari
Lui e Lei : Non c'è rosa senza spini,
non c'è amuri senza peni
ma ti vogghiu tantu beni
e cu tia mi spuserò
Coro:si spuserà
Lui : fuemanninni, fuemanninni,
ca l'amuri è bellu assai
Lei : sì amuninni, sì
amuninni
nì livamu di li guai
CChì è? Catania-Trovato
Dici ca non c'è chiù
amuri
dicu si non c'è chiù amuri
e ormai e megghiu assai
dirisi ciau accussì
Teni l'occhi vasci, casci
sentu u cori strittu, strittu
e la pena ma mi pigghia
non sacciu diri cchi è
CChi è,
cchi è, cchi è
stu focu ca sentu cchi è
cchi è, cchi è, cchi è
sta smania ca sentu cchi è
com'è , com'è, com'è
ca chiangi parrannu ccu mia
ca s'amuri chistu non è
dimmillu tu cchi è
Dici u sai ca tuttu passa
certi voti puri l'amuri
e perciò chi ci vo' fari
si capitau accussì
isi a testa e iu t'arriru
tu ccu l'occhi m'accarizzi
e allura tuttu chistu
mu sai diri chi è ?
Duci duci
Catania-Trovato
E duci duci iù vegnu ni tia
c'aspetti comu siti aspetta l'acqua
e a li carizzi ca iaiu ppi tia
rispunni ccu carizzi e ccu suspiri
E duci duci iù mi 'ncucchiu a tia
comu lu ramu o truncu a la 'nzitata
amuri granni amuri miu adoratu
s'ammisca lu me ciatu a lu to ciatu
Pani jancu e tocca a mamma Catania-Trovato
Com'era bellu iucari a miffa,
a 'mpalu e spalu e poi o baddu
com'era bellu iucari e ligna,
o sciancateddu e poi a 'ngugna
Lu cielu a picureddi
lu mari a palummeddi
macari stu quarteri
è u stissu comu a ieri
Pani jancu e tocca a mamma,
pani niuru e nesci fora
cca crisciu tantu 'mperi
arreri a porta ddo varveri
Minicucca e minnulicchi
puma pira e ficu sicchi
pipispezzi e pumarora
pani niuru e nesci fora
Li sentu sù 'ncantati
ne mura e nalli strati,
su vuci' i picciriddi
i stissi comu achiddi
Caricabotti e viri ca vegnu,
no cumpagnu non mi tegnu
N'haiu centu e sai chi fazzu,
dicu nenti e non ni sacciu.
Ccu tuppettiri e lazzati
ci iucati alli pizzati?
cariola a pallineddi,
spadi, puspiri e ruccheddi.
Sicilia Bedda Calì-Grasso
Di Mungibeddu tutti figghi semu
terra di focu, di canti e d'amuri
st'aranci sulu nui li pussidemu
e la Sicilia nostra si fà onuri
E di luntanu venunu li furasteri a massa
dicennu la Sicilia chi ciauru ca fà
tonchi, tichiti tonchiti, tonchi tonchi tonchiti
tonchi, tichiti, tonchiti la la la la la la
L'oduri di la zagara si senti
e riturnau la bedda primavera
rosi sbucciati,lu suli cucenti
Sicilia bedda tu si 'na ciurera
Chi ciauru, chi ciauru di balucu e di rosi
evviva la Sicilia e l'abitanti sò
tonchi,
tichiti tonchiti, tonchi tonchi tonchiti
tonchi, tichiti, tonchiti la la la la la la
U furrianti
Cali
Ciuri cirasa
picciotti beddi, mastru Cicciu passa,
nisciti fora di li vostri casi
cu si voli prestu maritari
,'ndi mia viniti
vi pozzu u curredu priparari,
pi li megghiu ziti
puntini , pettini, augghi portu
cirotti,lazzi, ditali e cuttuni
ciuri patata, ciuri patata
spinnennu 'nda na vota cincu liri
vi dugnu franca d'augghi na cartata
A la vigna
Popolare-Elab.Cali
Amuri,amuri, ci veni a la vigna
ca ricca di racina è la campagna
lu vigneri accumenza la vinnigna
cc'è 'ntra lu cori n'alligrizza magna
O picciutteddi beddi, vinitici a la vigna,
ca duci la vinnigna amuri vi la fà
la fà, la fà, la fà l'amuri vi la fà
Cari picciotti schetti, rusiddi spampinati
tagghiati vinnignati,la mè racina è ccà
è ccà, è ccà, è ccà
dintra lu pettu stà
Rappuzza mia di 'nzolia si duci, duci, duci
amuri ora ti pigghiu e comu babbaluci
ti sucu, sucu, sucu la, la la , la, la , la