Dumani è duminica
cci tagghiamu a testa a minica,
minica 'no c'è
cci tagghiamu a testa o RE,
u Re è malatu
cci tagghiamu a testa o suddatu,
u suddatu fa la guerra
cci 'ndappamu u culu 'nterra
Angilu battangilu
Pigghia lu iattu e mungilu
mungilu 'ndo bicchieri
e Angilu cavaleri
Giuvanni cacalanni
jetta pirita e fa castagni
li fa a dui a dui
Giuvanni sinni fui
sinni fui ccu na virginedda
e Giuvanni puddicinedda
Ninu nanu
supira 'ncantaranu
ccu na cannila 'manu
ca pari 'nsaristanu
Me nanna fici u maccu
e a mia 'no minni resi
dda strologa di me nanna
cchi colira cca mi resi
'ndiliu 'ndilau
u sceccu arragghiavu,
arragghiavu a porta iaci
'non fazzu cchiù paci
Enzu 'rotulu e mezzu
a pasta ccu sugu e
patati 'ndo menzu
Turi balluni
stuppagghiu di palluni
a barca ritorna
e Turi iavi i corna
Cicciu Bacchetta
lassau a porta aperta
trasiu 'puddicinu
e Cicciu amannarinu
amannarinu era amaru
e cicciu calamaru
u calamaru era chiusu
e Cicciu piducchiusu
A calata da marina
sciddicau na signurina
sciddicau ccu l'anghi aperti
e si visti u trentasetti
avanti, avanti, avanti
ca passunu i briganti
arreri, arreri, arreri
ci su i carabineri
Teresa dammi i picciuli
cacucciuli cacocciuli
cacocciuli non cci nè
sasizza sasizza
sasizza cco spacu
mi cacu mi cacu
non ti cacari ora
o cachiti dda fora
dda fora c'è u zu santu
mi scantu mi scantu
dda fora c'è u zu ninu
mischinu mischinu
Allura ,i soddi ca va dari
vi dugnu 'nda tri voti :
'nda maggiu,'nda giugnu e mai vi dugnu,
'nfurmativi c'hai statu, e cu sugnu,
pirchì all'autri nun cci nnaia datu
e a vui nun vvi nni dugnu
Finiu lu tempu ca faceva gran pisca,
quannu dinari aveva 'nda la tasca,
e argentu e oru ci mitteva ppi isca
ora 'mazzuneddu cchiù non si pisca
pirchì la canna addivintau masca
C'era 'na vota
'n re, bafè, viscottu e minè
c'aveva 'na figghia, bafigghia, viscottu e minigghia.
Sta figghia, bafigghia, viscottu e minigghia,
aveva 'n aceddu, bafeddu, viscottu e mineddu
Gn'ionnu st'aceddu, bafeddu, viscottu e mineddu abbulò.
Allura lu re, bafè, viscottu e minè disse:
a cu' trova l'aceddu, bafeddu, viscottu e mineddu
cci dugnu a me figghia, bafigghia viscottu e minigghia
Iù truvai l'aceddu, bafeddu, viscottu e mineddu,
ci rissi 'n carusu, vavusu, fitusu, viscottu e minusu
Allura , lu re, bafè, viscottu e minè ci dissi,
e iu pi 'naceddu bafeddu, viscottu e mineddu,
ti dava a me figghia bafigghia, viscottu e minigghia?
Ah! Vattinni, vavusu, fitusu, muvvusu, viscottu e minusu.
